YAP Suraxanı rayon təşkilatının nümayəndələri şəhid Cavid Cabarzadənin ailəsini ziyarət etmişlər

 Azərbaycanın rəşadətli ordusunun əsgəri, cənab Ali Baş Komandan İlham Əliyev tərəfindən “Vətən uğrunda” və  “Füzulinin azad olunmasına görə” medalları ilə təltif edilmiş Cabarzadə Cavid Qorxmaz oğlunun qardaşı Xalidin 15 yaşı tamam olur.

Doğum günü münasibəti ilə Yeni Azərbaycan Partiyası Suraxanı rayon təşkilatının sədri Vüqar Seyidov və rayon təşkilatının nümayəndələri ailəni ziyarət edərək şəhidin qardaşını təbrik etmiş, doğum gününü qeyd edən yeniyetməyə hədiyyələr təqdim olunmuş, şəhid ailəsinin qayğıları ilə maraqlanılmışlar. Vüqar Seyidov xüsusi vurğulamışdır ki, şəhidlərimiz müqəddəs vətən torpağına, ailə üzvüləri, doğmaları isə bizlərə əmanətdir.

Sonda şəhidin ailəsi Dövlət başçısı, Müzəffər Ali Baş Komandan cənab İlham Əliyevə, Birinci vitse-prezident çox hörmətli Mehriban xanım Əliyevaya və Yeni Azərbaycan Partiyasına şəhid ailələrinə göstərdikləri diqqət, sevgi və qayğıya görə öz dərin minnətdarlıqlarını bildirmişlər.